Kryetari i Komunës së Klinës, Prof. Dr. Zenun Elezaj, bashkë me drejtorin e Shërbimeve Publike, z. Qendrim Millaku, kanë vizituar punimet për finalizimin e projektit të ndërtimit të parkut në fshatin Sferkë, i cili po realizohet në kuadër të “Rregullim dhe zgjerim i parqeve në Komunën e Klinës”.
“Projekti në të cilin po vazhdojnë punimet e që parqe të tilla do t’i ndërtojmë në shumicën e fshatrave, janë hapa drejt përmbushjeve të premtimeve të dhëna e të cilat shumë shpejt po i realizojmë. Parku do të ketë gjelbërim, hapësira për ecje, hapësira për qëndrim, lojëra për fëmijë dhe ndriçim, ” – ka thënë Elezaj gjatë kësaj vizite.
Ky projekt është investim i komunës dhe kap shifrën rreth 15.000 €.
