Me promovime letrare të dy librave “Vargut i flas” dhe “Dritë në mes të errësirës” të autores Antigona Desku kanë vazhduar aktivitetet për shënimin e 16-vjetorit të Pavarësisë së Kosovës në sallën e Kuvendit Komunal Klinë, organizuar nga Drejtoria për Kulturë, Rini dhe Sport.
Të pranishëm ishin kryetari i Komunës së Klinës, Prof. Dr. Zenun Elezaj, drejtoresha për Kulturë, Rini dhe Sport, znj. Fatjona Gashi, autorja e librave, znj. Antigona Desku, poetë, piktorë dhe artistë të Klinës, nxënës të shkollave të cilët morën pjesë me krijimtaritë e tyre, artdashës si dhe qytetarë e media.
Pas orës letrare, Drejtoria për Kulturë, vazhdoi aktivitetet me gara në lojën e shahut nga klubi i shahut “Mehmet Kryeziu” e më pas me programin artistik këngë e valle popullore si dhe recitalin nga Ismet Krasniqi – Lala në qendrën e kulturës “Jehona e Dukagjinit”.
Aktivitetet e kësaj dite u përmbyllën me finalen e turneut institucional i cili u mbajt tek palestra sporteve “Adem Jashari” – Klinë, e që fitues i këtij edicioni ishte ekipi i Hidrodrinit & Ambienti.
Ndërsa nën përkujdesjen e kryetarit të komunës së Klinës, nesër manifestimi vazhdon me agjendën si në vijim:
Ora 10:00 – Seancë Solemne
Ora 10:10 – Ngritja e Flamurit Shtetëror dhe intonimi i himnit
Ora 10:15 – Defileu i nxënësve dhe paraqitja e grupit me Këngën e Pavarësisë
Nga ora 10:20
Nderime në Sheshin “Mujë Krasniqi”
Nderime te përmendorja përkujtimore e të pagjeturve të luftës në Klinë
Nderime te busti i Ismet Rracit
Nderime te busti i Arben Halitit
