Transparenca dhe Qasja në Dokumente Publike

 U mbajt radio emisioni me temë “Transparenca dhe qasja në dokumente zyrtare në nivel lokal”
 Me mbështetje të Misionit të OSBE-së në Kosovë,  është  realizuar radio emisioni në radio “Alba” në Klinë me temë “Transparenca dhe Qasja ne Dokumente Publike”. Pjesëmarrës ishin Zyrtarja për Informim dhe njëherësh Zyrtare për Qasje në Dokumente Zyrtare, znj. Samije Gjergjaj  dhe përfaqësuesi i Organizatës Jo-Qeveritare “KOHA” , z. Agron Gashi. Gjatë emisionit u shtjelluan shumë gjëra që ndërlidhen me kornizën ligjore që rregullon transparencën dhe qasjen në dokumente zyrtare në nivel lokal, ku u theksua nevoja për harmonizimin e rregullores komunale me ligjin në fuqi. Pjesëmarrësit po ashtu prezantuan praktikat e zbatuara nga ana e komunës, si dhe përvoja në monitorimin e organeve komunale nga OJQ “KOHA”. Me tutje, për publikun u sqarua praktikisht procedura për kërkesat për qasje në dokumente zyrtare.