Kjo ngjarje është zhvilluar në kuadër të aktiviteteve në muajin tetor që i kushtohet parandalimit të sëmundjes së kancerit.
Organizuar nga zyrtarja për Barazi Gjinore, znj.Remzije Maloku, në sallën e Kuvendit të Komunës së Klinës, është mbajtur ligjërata me temën: “Kancerit i gjirit”, ligjëruar nga dr. Gazmend Bojaj, specialist i mjekësisë familjare në Qendrën Kryesore të Mjekësisë Familjare “ Nënë Tereza” në Klinë. Znj. Maloku, tha se kjo sëmundje është mjaft e përhapur në Kosovë dhe gjitha vendet e botës, andaj me këtë aktivitet kemi menduar që qytetarët sidomos gjinia femërore të njoftohen me masat preventive. Para nxënësve të tri shkollave si: shkollës së mesme gjimnazit “Luigj Gurakuqi”, shkollës fillore “ Ismet Raci” dhe “Motrat Qiriazi”, dr. Gazmend Bojaj, ka thënë se kanceri i gjirit më së shumti paraqitet tek femrat, pra 99 % të rasteve, derisa vetëm 1 % e meshkujve janë të atakuar nga kjo sëmundje vdekjeprurëse. Ai, tha se shumë e rëndësishme është që kjo sëmundje e rëndë të zbulohet në fillim meqë trajtimi dhe shërimi do të jetë shumë më i lehtë. Ai ka treguar simptomat e kësaj sëmundje dhe rrezikshmërinë , nëse nuk zbulohet në fazën e parë dhe ka ftuar nxënëset që njohuritë e përfituara të i përcjellin edhe të bashkëmoshataret dhe familjarët e tyre ngase bëhet fjalë për një sëmundje vdekjeprurëse.
