Në takimin e radhës Grupi punues komunal për kthim ka elaboruar disa nga të rejat e fundit të këtij procesi. Zëvëndëskryesuesi Zenun Zeqa u shpreh se ne ketë proces kemi angazhime të vazhdyeshme edhe çdo herë në pritje të donacioneve dhe granteve që na Klinë 24 tetor
Në takimin e radhës Grupi punues komunal për kthim ka elaboruar disa nga të rejat e fundit të këtij procesi.
Zëvëndëskryesuesi Zenun Zeqa u shpreh se ne ketë proces kemi angazhime të vazhdyeshme edhe çdo herë në pritje të donacioneve dhe granteve që na bejnë të mundur vazhdimësin e procesit të kthimit.
Zeqa poashtu potencoi se të drejtën e kthimit dhe të shfrytëzimit të pronës së tij e ka çdo njëri që ka deshirë të kthehet duke u integruar në realitetin e ri të krijuar në Kosovë.
Lidhur me të rejat e fundit në procesin e kthimit në komunën e Klinës foli zyrtarja Sevdije Ismajli e cila prezentoi disa nga risitë lidhur me procesin e kthimit, ajo poashtu potencoi se ky proces vazhdon por me ritme me të ngadalësuara se sa ma parë andaj ne mbesim të angazhuar që ky proces të vazhdoj dhe të përkrahet edhe nga donatorë për të pasur investime dhe mjete të nevojshme për kthim pasiqë mungesa e mjeteve kushtëzon edhe ecurinë e këtij procesi.
Kolë Berisha prezentoi për finalizimin e punimeve të procesit të kthimit në Berkovë, për projektin Bërkova 2, ku janë të ndërtuara 15 shtëpi 14 për të kthyerit ndërsa një për komunitetin pritës, ai tha edhe pse ishin të programuara 16 shtëpi një nga familjarët e paraparë për kthim ka hequr dorë dhe janë ndërtuar 15 shtëpi, jemi në fazën e pranimit teknik të këtyre shtepive, pranim i cili do të bëhët javën që të vijë dhe vendosja e akomodimi i familjeve nepër këto shtepi përfundoi Kolë Berisha kordinator i projekteve të kthimit.
Përfaqësuesi i ICMC-së u shpreh se në periudhën në mes të dy takimeve kemi tri familje të kthyera në Klinë të cilat kanë përfituar përpos gjërave ushqimore dhe joushqimore edhe meremetimet e vendbanimeve të tyre.
Edhe përfaqësuesi i UNDIP-së shprehu disa nga rezultatet e kësaj periudhe kohore i cili tha se kemi një kthim individual dhe përgaditje për tri familje për kthim një në Dersnik dhe dy në fshatin Videjë.
Disa nga pjesëmarrësit e këtij takimi nga fshati Pogragjë u interesuan se a ekziston konceptdokumenti për kthim në ketë fshat dhe deri në cilën fazë janë përgaditjet për konceptdokumentin për kthim në Pogragjë.
Edhe përfaqësuesit e organizmave tjera pasquruan angazhimet që janë aktuale dhe përbejnë preokupimet e shumë OJQ-ve në ketë fazë të procesit të kthimit.
Zyra për inf. Pranë KK-së Klinë
