Zyrtari për Mjedis në komunën e Klinës , Dardan Bashota tha se : Në mënyrë që sado pak të kontribuojmë në uljen e nivelit te ndotjes, që te i evitojmë përdorimin e qeseve plastike janë shpërndare 1000 çanta biodegraduese. Projekti është donacion nga Ministria e Mjedisit dhe Planifikimit Hapësinor i cili realizohet në bashkëpunim me komunën e Klinës dhe të Rinjtë e Klinës.
Dita ndërkombëtare e mjedisit është caktuar mbi 30 vjet më parë nga Asambleja e përgjithshme e OKB-së, me qëllim për të shtuar vetëdijen rreth çështjeve të mjedisit dhe për të tërhequr vëmendjen politike ndaj këtyre çështjeve si dhe për të nxitur veprimin individual në këtë drejtim.
5 qershori u caktua si Dita Botërore e Mjedisit në vitin 1972 , nga Asambleja e Përgjithshme e OKB -s. U zgjodh kjo datë sepse përkon me ditën e hapjes e Konferencës së Kombeve të Bashkuara mbi Mjedisin, që u mbajt në vitin 1972 në Stokholm, nën udhëheqjen e Programit Mjedisor të Kombeve të Bashkuara.
Qëllimi i kësaj ngjarje është të nxisë aktivitete dhe aksione për të arritur ndryshime pozitive në mbrojtjen e mjedisit. Kjo ditë zakonisht përcillet me një tematikë të caktuar.
Edhe komuna e Klinës , Drejtoria e Urbanizmit, sektori për mjedis , sot i është bashkuar aksionin për mjedis sa më të pastër, ku gjatë ditës janë shpërndarë qese të pëlhurës për të gjithë qytetaret e Klinës, në mënyrë që t’i zhdukim qeset e plastikes, që të mbrojmë natyrën tonë.
