Kuvendi e miraton kërkesën e familjes së dëshmorit të kombit Arben Haliti
Është mbajtur seanca e XI-të e radhës e Kuvendit Komunal. Si zakonisht seancën e ka udhëhequr kryesuesi i Kuvendit Fadil Gashi. Gjatë kësaj seanca është debatuar për gjashtë pika të rendit të ditës , edhe pse dy pika kanë qenë vetëm diskutim pa miratim. Ndërsa, te pika e dytë shqyrtimi dhe miratimi i preferencave të KPF-së , është diskutuar për kërkesat që kanë arritur , e që gjithsej kanë qenë katër kërkesa . Prej tyre tri kanë qenë të një natyre për dhënien në shfrytëzim të pronës shoqërore, e që KPF-ja , duke u mbështet në dispozitat e Ligjit në fuqi, ku për dhënie në shfrytëzim të pronës shoqërore kërkon procedura dhe Komuna nuk ka identifikuar asnjë zonë , KPF-ja kanë ardhur në përfundim që kërkesat e kësaj natyre të refuzohen. Ndërsa ,kërkesa e katër ka qenë e familjes së dëshmorit të kombit “Arben Haliti” që kanë kërkuar të ngritët busti i birit të tyre në oborrin e komunës, pasi që aty e ka dhënë jetën gjatë luftës së fundit. KPF-ja këtë kërkesë e ka shqyrtuar dhe në shenje respekti , ka preferuar që të miratohet edhe nga Kuvendi. Halil Desku-PDK , Haxhi Ibishi- AAK, Ndue Shabani –LDK, kanë kërkuar që si udhëheqës të grupeve kjo kërkesë të miratohet , dhe me të gjitha votat pro është miratuar , duke vazhduar me pikën e radhës së shqyrtimit dhe miratimi i Propozim-vendimi për Kalendarin e mbajtjes së mbledhjeve të Kuvendit dhe Komiteteve të Kuvendit e cila u miratua nga ana e anëtareve të Kuvendit. Është diskutuar edhe për Rregulloren për Përcaktimin e Ngarkesave, Tarifave dhe Taksave Komunale, por kjo rregullore do të miratohet në seancën e parë të Kuvendit Komunal për vitin 2012.
