Është mbajt Seanca e Jashtëzakonshme Solemne e Kuvendit Komunal të Klinës, e organizuar në nder të Ditës së Çlirimit të Klinës. Seancën e hapi Kryesuesi i Kuvendit Komunal, Enver Berisha, i cili në fjalën e tij vlerësoi rëndësinë e kësaj date historike për qytetarët e Klinës dhe për Kosovën.
Me këtë rast, Kryetari i Komunës së Klinës, z. Zenun Elezaj, i ndau mirënjohje ish-kryetarit të Komunës së Klinës dhe ish-zëvendëskryeministrit të Republikës së Kosovës, Ramë Manaj, në vlerësim të kontributit të tij të veçantë atdhetar e politik, si dhe të sakrificës familjare në rrugëtimin për liri, pavarësi dhe ndërtimin e shtetit të Republikës së Kosovës.
Kjo mirënjohje përfaqëson respektin dhe vlerësimin institucional për angazhimin e tij ndër vite në shërbim të qytetarëve dhe të vendit, si dhe për rolin e tij në proceset historike dhe shtetformuese të Kosovës.
Në këtë ditë të rëndësishme, kujtojmë me nderim dhe mirënjohje të gjithë dëshmorët, martirët, veteranët dhe qytetarët që kontribuuan me përkushtim dhe sakrificë për lirinë dhe forcimin e shtetit tonë.
