Gjatë fazës së parë janë kthyer 19 familje në Berkovë, ndërsa faza e dytë ka berë kthimin edhe të 14 familjeve serbe në Berkovë Gjatë fazës së parë janë kthyer 19 familje në Berkovë, ndërsa faza e dytë ka berë kthimin edhe të 14 familjeve serbe në Berkovë
Klinë 12 dhjetor
Kthimi dhe reintegrimi i të kthyerve në shoqërinë kosovare është një process i cili po vazhdon me ritme të pandalura, ne ketë rrugë Klina ka berë hapa shumë të medhenjë duke realizuara edhe kthimin urban për të cilin Klina si qytet shpesh herë është quajtur kampion i Kosovës për kthimin urban.
Edhe faza e dytë e kthimit në Bërkovë është një projekt që deshmon angazhimin institucional për kthimin dhe reintegrimin e të gjithë atyre që deshirojnë të jetojnë në Kosovë dhe të gëzojnë pronat e tyre.
Gjatë fazës së parë të projektit e cila është implementuar gjatë vitit 2007, 19 familje serbe u kthyen në fshat ky projekt u financua nga buxheti i konsoliduar i Kosovës dhe u menaxhua nga UNDP-ja.
Gjatë fazës së dytë, 14 familje të tjera serbe të kthyera nga vendi ky ishin zhvendosur si dhe 1 familje nga komuniteti pranues u përkrahën me ndërtim të shtëpive, asistencë socio-ekonomike dhe me komponentin e këtij projekti për zhvillim të komunitetit.
Ky është projekt i qeverisë së Kosovës i përkrahur edhe nga qeveria Britanike që është realizuar në menaxhim të UNDP-së.
Në ceremoninë e fazës së dytë të këtij projekti ku ishin pjesëmarrës zyrtarë nga qeveria e Kosovës zëvëndësministri për Komunitete dhe Kthim Ismet Hashani, ambasadori i Britanisë Andy Sparks, zevëndës shefi i UNDP-së Tetsuo Kondo, kryetari i komunës Sokol Bashota.
Përfituesve të këtij projekti iu dorëzuan çelësat e shtëpive të ndërtuara për familjet e kthyera.
Në fjalën e tij ambasadori Sparks u shpreh se kemi një rast të mirë që të ju urojmë kthimin të gjithë atyre që sot po marrin çelësat për shtepitë e reja, dhe me ketë hapë ata janë kthyer në shtepi dhe prona të tyre, njeherit të kthyerve ju urojmë që ti gëzojnë këto prona dhe ti trashëgojnë ashtu siç planifikojnë ata.
Ndërsa zevëndësministri për Komunitete dhe Kthim Ismet Hashani tha se qeveria jonë do të vazhdoi të përkrahë procesin e kthimit dhe reintegrimit në mbarë Kosovën duke ju mundësuar të kthyerve një jetë normale dhe stabile në pronat e tyre.
Me keto procese do të vazhdohet edhe në të ardhmen duke ju ofruar mundësi të gjithë atyre që janë të gatshëm për kthim dhe reintegrim, ku moment i sotëm është një moment urimi për të gjithë ata që gëzojnë ketë mundësi, urime dhe i gëzofshi shtepitë e reja.
Kryetari i Komunës Sokol Bashota u shpreh se angazhimi ynë për kthim do të jetë një angazhim që do të deshmohet edhe në të ardhmen, kjo është deshmuar në Klinë pasi që janë berë disa projekte të kthimit si ai në Dersnik, Klinavc, Bërkovë, Videjë e poashtu edhe kthimi urban i cili është berë për herë të parë në komunën e Klinës apo në vet qytetin si kthim urban, këto janë disa nga sukseset për të cilat Klina është vlerësuar lart edhe nga administrata ndërkombetare po edhe nga vetë të kthyerit.
Ne do të vazhdojmë të ecim kësaj rruge më këto ritme duke ju mundësaur atyre që kanë shpreh deshirën për kthim një kthim të qëndryeshëm dhe shfrytëzim të pronës si një e drejtë që repektohet në çdo demokraci të botës.
Të kthyerve ju urojmë ti gëzojnë shtepitë e tyre së bashku me familjet dhe të kthyerit të kenë një reintegrim dhe një angazhim në përditshmërinë dhe jetën normale u shpreh kryetari Bashota.
Zyra për inf. Pranë KK-së Klinë
