Nën patronatin e drejtorisë së Kulturës,Rinis dhe Sportit është organizuar promovimi i librit me poezi “ Kohë Tingëllimesh” nga poetja e re klinase Shqipnora Dauti .
Drejtori për Kulturë,Rini dhe Sport-Ahmet Krasniqi gjatë ceremonisë së promovimit të librit “ Kohë Tingëllimesh” është shprehur se: Shqipnora Dauti nga fshati Shtupel i Klinës, nxënëse e shkollës së mesme, ka promovuar librin e dytë të saj brenda këtij viti dhe ka zgjedhur këtë vit për nder të 100 vjetorit të Shpalljes së Pavarësisë . Disa muaj më parë ajo ka promovuar librin e saj të parë “ Hapat e Jetës”. Redaktori i librit Mikel Gojani ka thënë se Klinës po i vjen një zë i ri letrar, zëri i poetes së re Shqipnora Dauti me një vëllim poetik që është i veçantë, është varg i avancuar me natyrshmëri të veçantë e të pasur , që sjell larushi temash dhe motive shumë të rëndësishme e shumëdimensionale që ngërthejnë tema nga jeta që rrethon autoren dhe individin tonë në përgjithësi, kryesisht botën rinore, të cilës i takon edhe vetë autorja ka thënë Gojani.
Për poeten e re klinase ka folur edhe publicisti dhe shkrimtari Prend Buzhala i cili ka thënë se : poetja përmes poezive të paraqitura e ka zgjedhur rrugën e ndërlidhjes me kohën e sotme.
Autorja e re klinase Shqipnora Dauti për fund i falënderoi të gjithë ata që e ndihmuan në realizimin e botimit të librit të saj të dytë në 18 vjetorin e lindjes së saj që është organizuar kjo ceremoni.
