Komuna e Klinës po vazhdon në realizimin e projekteve që kanë për qëllim përirësimin e infrastrukturës rrugore në Komunë.
Kryetari i Komunës së Klinës, Prof. Dr. Zenun Elezaj i shoqëruar nga Drejtori i Administratës, Binak Syla dhe drejtori i Urbanizimit, Lorenc Marleku, kanë vizituar sot fshatin Bokshiq të Komunës së Klinës, kjo vizitë është bërë me rastin e fillimit të punimeve të asfaltimit të rrugës në lagjen Fazlia.
Më këtë rast Kryetari Elezaj, u shpreh se jemi duke u angazhuar që më projekte të tilla t’iu lehtësojmë jetën qytetarëve dhe të ju mundësohet atyre një çarkullim më i lehtë.
Kompania kontraktuese për asfaltimin e rrugës është “NNT AIM” nga Klina dhe vlera e kësaj kontrate është 38.942,34€. Këto punime pritet të finalizohen në afat prej 23 ditë pune.
