Punimet e asfaltimit të rrugës Cerravikë- Murg, kanë filluar me një ceremoni festive nga banoret e dy komunave , Klinës dhe të Skenderaj. Qytetaret shprehnin gëzimin që kjo rrugë që dikur shërbeu për luftën e fundit në Kosovë , tani më do të jetë rrugë që lidhë dy komuna , Klinën dhe Skenderaj, si edhe lidhë Prizrenin e Mitrovicën. Janë tri kompani që kanë përfituar në ndërtimin e kësaj rruge.
Asfaltimi i rrugës Cerravikë –Murg, kompania përfituese “Jehona” , Malishevë, gjatësia e rruges -1450 metra, gjerësia -5,5 metra, vlera e projektit , 92.921.00€.
Ndërtimi i urës Murg, kompania përfituese “ Benita Company”, Kline, vlera e projektit , 33.561.85€.
Asfaltimi i rrugës lokale Cerravikë, kompania përfituese “Jehona”, Malisheva, gjatësia -1500 metra, gjerësia – 4 metra, vlera e projektit , 61.497.50€.
Asfaltimi i rrugëve Cerravikë, faza e dytë, kompania përfituese “AIM”shpk , Klinë, gjatësi- 1700 metra, gjerësia- 4 metra, vlera e projektit 87.484.00€.
Kryetari i komunës ,z. Sokol Bashota, gjatë kësaj ceremonie ka thënë se : Falë Qeverisë së Kosovës , zyrtarisht po fillojnë punimet e rrugës Cerravikë- Murg. Kjo rrugë ka një rendësi të veçantë duke ju krijuar qytetareve të dy komunave mundësi sa më të mira në infrastrukturë rrugore . Po ashtu , do të behet edhe ndërtimi i urës së Murgut, si dhe do të asfaltohen edhe rrugët lokale në Cerravikë, ku dhe fshati Cerravikë po përmbyllet me infrastrukturë rrugore.
Qytetaret kanë falënderuar Qeverinë e Kosovës për këtë investim në infrastrukturë rrugore që është shumë i rëndësishëm për të dy komunat Klinës dhe Skenderajt.
