Edicioni i gjashtëmbëdhjetë i Festivalit Folklorik “I këndojmë lirisë”, 6,7 dhe 8 qershor
Ky festival tanimë tradicional i kushtohet dëshmorëve dhe mbahet në shënim të datës së lindjes së komandantit të UÇK-së, Mujë Krasniqi-Kapuçi. Hapja e festivalit do të bëhet në fshatin e lindjes së heroit, në Çabiq të Klinës, duke filluar nga ora 11:00, ku përveç hapjes solemne do të ketë edhe pika muzikore e valle. Po ashtu, do të shtrohet edhe “Sofra e Çabiqit”.Festivali do të vazhdojë për tri netë radhazi, nga ora 19:00, në Klinë, ku në skenën e punuar në ambient të hapur të Festivalit do të konkurrojnë rapsodë, grupe rapsodësh, shoqëri kulturo-artistike, valltarë.
