Kryetari i Komunës së Klinës, Prof.Dr. Zenun Elezaj, ka shtruar një darkë iftari në muajin e shenjtë të Ramazanit, ku morën pjesë përfaqësues të komuniteteve fetare të kësaj komune, nga dy besimet, besimit mysliman dhe katolik.
Në këtë mbrëmje iftari ishin prezent edhe përfaqësues të udhëheqjes komunale, përpos kryetarit Elezaj, i cili njëherësh ishte edhe nikoqir i kësaj mbrëmje Iftari, po ashtu morën pjesë edhe nënkryetari i Komunës, Besim Hoti, kryesuesi i Kuvendit, Fadil Gashi, drejtorë të drejtorive komunale dhe përfaqësues të Kuvendit të Komunës nga opozita, Enver Berisha dhe Gjokë Lleshaj.
Kryetari Elezaj, në fjalën e tij ka bërë thirrje për më shumë solidaritet, besimin tek Zoti , po ashtu edhe besimin në mes njëri-tjetrit.
Kjo darkë tani është shndërruar në një traditë dhe njëherë ka nënvizuar bashkëjetesën në mes të të gjithë besimeve në Komunën e Klinës.
