Nën udhëheqjen e Kryetarit të Komunës,Zenun Elezaj, janë mbajtur pesë dëgjime buxhetore në Gllarevë, Jashanicë, Shtupel, Zajm dhe Zllakuqan, në kuadër të procesit të hartimit të Kornizës Afatmesme Buxhetore (KAB) 2027-2029.
Në këto takime morën pjesë qytetarë nga fshatrat përkatëse dhe zonat përreth, të cilët u njoftuan me Draft-KAB-in dhe projektet e planifikuara për realizim nga buxheti komunal gjatë periudhës së ardhshme.
Gjatë dëgjimeve buxhetore, qytetarët paraqitën propozimet, kërkesat dhe prioritetet e tyre, duke kontribuar drejtpërdrejt në procesin e planifikimit buxhetor. Komuna e Klinës vazhdon të jetë ndër komunat me shkallën më të lartë të përfshirjes së kërkesave të qytetarëve në planifikimin buxhetor, duke i shndërruar ato në investime konkrete në shërbim të zhvillimit lokal dhe përmirësimit të mirëqenies së qytetarëve.
Të gjitha propozimet e pranuara gjatë dëgjimeve buxhetore do të shqyrtohen dhe analizohen nga grupi punues për hartimin e Kornizës Afatmesme Buxhetore 2027-2029.
