Nën përkujdesjen e kryetarit të komunës së Klinës, z. Sokol Bashota, dhe shoqatës “Miqtë e Amerikës”, është organizuar manifestimi për ditëlindjen e ish-presidentit të SHBA-ve , Bill Clinton. Manifestimi mbahet me 19 gusht 2014 , para objektit të komunës së Klinës.
Ky eveniment i rëndësishëm, do të organizohet në shenjë nderimi për kontributin e tij dhe të Shteteve të Bashkuara të Amerikës për lirinë dhe pavarësinë e Kosovës. Ish- presidenti Clinton ka ndihmuar popullin e Kosovës dhe ka siguruar se Kosova dhe populli i saj do ta kenë gjithmonë mbështetjen e palëkundur të SHBA ve.
Emri dhe vepra e Presidentit Clinton, janë simbole zemrash dhe vullnetesh të qytetarëve të Kosovës dhe shqiptarëve përgjithësisht. Kosova dhe SHBA-të do të jenë në miqësi të përhershme. Vepra e tij është metaforë e lirisë dhe demokracisë.
Kryetari Bashota pasi që i dha një përkrahje të pa rezervë këtij organizimi, ai po ashtu falënderoi edhe bashkorganizatorin, shoqatën “Miqtë e Amerikës”, duke vlerësuar punën dhe angazhimin mbi një dekadë të kësaj shoqate.
