Është mbajtur takimi në mes përfaqësuesve të Komunës së Klinës dhe GIZ-it Gjerman. Qëllimi i këtij takimi ka qenë informues, rreth projektit për Menaxhimin e Tokës. Sipas përfaqësuesve të GIZ-it , projekti i ka dy komponentë kryesore si : Komasacioni i Tokës ( bujqësi ) dhe Planifikimi Hapësinor( mbështetja e komunave , data baza të mbledhin të dhënat hapësinore dhe të digjitalizohen si dhe procesi i hartimit të hartave zonale).
Në listën e parë potenciale prej 38 komunave, Klina ka hyre në listën ku tani përfshihen 12 komuna, në baze të kritereve që i ka si: toka bujqësore, pyje dhe disa kritere tjera, dhe po ashtu pritet të hyjë edhe në listën finale.
Komuna e Klinës e ka falënderuar GIZ-in, për bashkëpunimin dhe për të gjitha projektet që janë zhvilluar në Komunën e Klinës , si dhe ka thënë se është e gatshme edhe me tutje të bashkëpunoj .
