Zenun Zeqa kryesues i Kuvendit Komunal u shpreh se në shpresojmë që të jemi përfitues të njërit nga këto grante Zenun Zeqa kryesues i Kuvendit Komunal u shpreh se në shpresojmë që të jemi përfitues të njërit nga këto grante
Klinë 13 nëntor
Në programin me grantet e ofruara nga USAID-i Amerikan për të favorizuar proceset nepër të cilat po kalojnë komunat kosovare Klina prezentohet me një pasqyrë të suksesve dhe arritjeve të kësaj administrate shprehet kryesuesi i Kuvendit Zenun Zeqa.
Grantet shpërblyese janë në disponim për të gjitha komunat e Kosovës që tregojnë përmirësim në kryerjen e detyrave të tyre.
Kjo pjesë e granteve që shenon raundin e dytë të granteve shpërblyese të Fondit Stimulues prej 1.4 milion dollarëve do të ndaj 19 shpërblime, nga të cilat 8 do tu jepen komunave me projektet me të mira për përmirësimin e ofrimit të shërbimeve, dy (2) për aplikimin e praktikave të reja dhe inovative menaxheriale, katër (4) shpërblime për komunat që të parat demostrojnë një pajtueshmëri përmbajtësore me kornizën e re të decentralizimit dhe pesë (5) shpërblime për komunat që demostrojnë shtimin më të madh në të hyrat vetanake prej vitit 2007 në vitin 2008.
Në takimin e parë të mbajtur në Pejë morën pjesë kryesuesi i KK-së Zenun Zeqa, drejtori i Administratës dhe Personelit Prekë Palushi si dhe Drejtori për Ekonomi dhe Financa Miftar Krasniqi.
Në ketë prezentim komuna e Klinës ka të realizuara objektivat që kanë të bejnë edhe me të hyrat komunale, poashtu edhe më proceset tjera që kanë të bejnë edhe më përmbushjen e standarteve si dhe me efekteshmërinë e administratës komunale.
Ky raund i ri është pjesë e programit për Grante Shpërblyese të Fondit Stimulues të Iniciativës për Komuna Efektive të USAID-it, me një fond prej 1.4 milion dollarësh që përdoret për të inkurajuar dhe shpërblyer komunat e Kosovës që kanë përmirësuar kryerjen e detyrave komunale.
Zenun Zeqa kryesues i Kuvendit Komunal u shpreh se në shpresojmë që të jemi përfitues të njërit nga këto grante pasi që jemi përkushtuar në arritjen e shumë proceseve dhe Klina ka qenë e vlerësuar disa herë si për punë efektive të administratës komunale, si për procesin e kthimit e poashtu edhe për rritjen e inkasimit të të hyrave komunale, andaj me të drejtë shpresojmë që do të jemi fitues të një apo me shumë granteve që do të ndanë USAID-i Amerikan, për çka falënderojmë publikisht edhe qeverinë amerikane për gjithë mbeshtetjen ne ketë rast finaciare që na ka dhenë në realizimin e shumë projekteve në komunën tonë.
Ndërsa drejtori për Ekonomi dhe Financa Miftar Krasniqi u shpreh se ne kemi inakasuar 16 %, për qind të hyra komunale më shumë se në periudhën e njejtë të vitit të kaluar.
Do të thotë për periudhën janar-tetor të vitit 2008 kemi inkasuar të hyra komunale në vlerë prej 733. 174 euro, ndërsa ajo e vitit të kaluar për të njejtën periudhë është 632.610 euro.
Poashtu ne ketë periudhë të këtij viti janë tejkaluar planifikimet me 27 % të të hyrave komunale shprehet Krasniqi.
Këto janë dëshmi reale të cilat na bejën të shpresojmë se komuna e Klinës do të jetë njëra nga fituest e granteve të cilat ndanë USAID-i Amerikan u shpreh Krasniqi.
Zyra për inf. Pranë KK-së Klinë
