Urime 28 Nëntori
Me ngritje e flamurit para ndërtesës së Komunës , ka filluar festa e 28 Nëntorit në komunën e Klinës, duke vazhduar me homazhe në sheshin “Mujë Krasniqi” dhe “Kodrën e Kuqe” dhe me séance solemne në sallën e Kuvendit. Manifestimi ka vazhduar në Qendrën e Kulturës “Jehona e Dukagjinit” në Klinë, DKRS – drejtoresha Kristina Lazri me stafin e kulturës në bashkëpunim me dy shkollat fillore të Klinës, “Ismet Rraci”,drejtor Gani Ahmetxhekaj dhe “ Motrat Qiriazi”, drejtoresha Angjelina Kryeziu organizuan program festiv me këngë, valle e recitime. Në këtë festë nuk ka munguar as sporti si : futboll i vogël dhe volejboll nga shkolla e mesme teknike “ Fehmi Agani”.
