Arsyeja e këtij takimi ka qenë :Shqyrtimi i rastit të Kralanit (Kërkesë e Departamentit për Zhvarrosjen e mbetjeve mortore të identifikuara me analizën e AND-së, në komunën e Klinës, me ç’rast kemi 5 raste : Blerim (Jahir) Kotorri, Hamit( Pajazit) Gashi, Sadri (Sefer ) Desku, Selim ( Hazir) Berisha dhe Vesel (Mehmet) Seferaj).
Me kërkesë të familjareve të të zhdukurve në komunën e Klinës , është zhvilluar takimi i përbashkët nga Prenk Gjetaj- Kryetar i Komisionit qeveritar për të pagjetur, përfaqësuesja e EULEXIT – Tarja Formisto,Melinda Bytyqi –asistente e shoqërisë civile-EULEX, Behar Berisha –Zyrtar për mardhënje me familjar , Zenun Zeqa –nënkryetar i komunës, Atifete Bytyqi – Kryetare e Komisionit Qendror dhe Komisionit Komunal për Persona të Zhdukur në komunën e Klinës , si dhe familjarë të personave të zhdukur.
Atifete Bytyqi – Kryetare e Komisionit Qendror dhe Komisionit Komunal për Persona të Zhdukur ka thënë se : Qëllimi i këtij takimi vjen pas takimit që kam pasur në KQPZH më 20 shtator 2012, me ç’rast u diskutuar “rasti i Çabratit të Gjakovës”, ku Departamenti i Mjekësisë Ligjore kërkoi zhvarrimin e mbetjeve mortore, që ishin identifikuar me analizë të AND-së. Në atë takim u informova se janë edhe 5 raste të grupit të Kralanit, që kërkohet të bëhet zhvarrimi i tyre.
Kështu që në bashkëpunim me zyrtarët e EULEX-it, kërkuam që ky takim të mbahet në Klinë me familjarë të personave të zhdukur, përkatësisht me 5 familjarë të personave të zhdukur.
86-të raste janë në Klina që janë zhdukur në rastin e Kralanit, ndërsa për 56-të ende nuk dihet asgjë për fatin e tyre. Familjaret e Blerim (Jahir) Kotorri, Hamit( Pajazit) Gashi, Sadri (Sefer ) Desku, Selim ( Hazir) Berisha dhe Vesel (Mehmet) Seferaj , nuk janë pajtuar për zhvarrim e mbetjeve mortore, të cilin e kërkon Departamenti i Mjekësisë Ligjore . Ata janë shprehur se ne duhet të konsultohemi edhe me familjaret e tjerë për të marr një vendim për zhvarrosjen e mbetjeve mortore.
