Shkolla fillore “Tre Dëshmorët”,në Jashanice të Epërme,inauguroi projektin e renovimit të kësaj shkolle,donacion ky nga KFOR-i Italian,ku kostoja e këtij projekti ka kushtuar rreth 40 mijë €. Në këtë shkollë vijojnë mësimin gjithsej 240-nxënës,të klasav
Shkolla fillore “Tre Dëshmorët”,në Jashanice të Epërme,inauguroi projektin e renovimit të kësaj shkolle,donacion ky nga KFOR-i Italian,ku kostoja e këtij projekti ka kushtuar rreth 40 mijë €. Në këtë shkollë vijojnë mësimin gjithsej 240-nxënës,të klasave të ulëta.
Kryetari i komunës së Klinës Sokol Bashota, tha se sot është një dite e bukur dhe madhështore,ku në komunën tone janë bërë investime nga Simiku, si në infrastrukturë ,energjetik dhe kohëve të fundit qëllimisht është primare investimi në arsim. KFOR-i nuk shihet vetëm si mekanizëm që siguron sigurinë e vendit tonë,por ai po investon aty ku kemi ne nevojën me te madhe. Falënderoj, KFOR-in Italian,për kontributin tyre,që bashkëpunon me ne për të ndërtuar të ardhme e këtyre fëmijëve. Nxënëseve ju uroj me shume dije.
Njëherë edhe gjenerali i KFOR-it Italian,Vincenzo Grasso tha se falënderoj të gjithë për fjalët e bukura për ne. Nuk është hera e parë që investojmë ne këtë komune dhe si gjithnjë rëndësi të veçantë i kemi kushtuar arsimit. Do të nënvizoja që KFOR-i është KFOR dhe aty ku paraqitet nevoja do të intervenojmë dhe se faktori i kombësisë te KFOR-i nuk është përcaktues.
Drejtori i shkollës “Tre Deshmoret”,Arben Hoti dhe përfaqësuesi i fshatit Jashanicë e Epërme, Bashkim Hoti,falënderuan Kryetarin e komunës ,KFOR-in Italian,KFOR-in Slloven,Drejtorin e Arsimit në Klinë,SHPK-n,për renovimin e kësaj shkolle. Është një dhurate e bukur për fëmijët tanë,kur dihet që fëmijët janë e ardhmja e vendit tonë.
Arkitekti Mikele Gortan nga Italia,tha se i kam pare kushtet dhe klasat dhe kam propozuar një zgjidhej ndryshe nga herët tjera. I kam pyetur fëmijët më të vegjël se si do ta donit ju shkollën tuaj, dhe një fëmijë me ka thënë që dëshiroj që shkolla ime të ketë ngjyrë të kuqe,kulmi të jetë blu,dhe dritaret e verdha,dhe sot shkolla duket sipas dëshirës së fëmijëve,me ato ngjyra.
