Projektet infrastrukturore në komunën e Klinës janë shtrirë edhe në fushën e bujqësisë, trajtimin e ujërave të zeza. Kryetari i Komunës së Klinës, Sokol Bashota me bashkëpunëtorë, ka përcjelle sot nga afër punimet që janë duke u kryer në rrjetin e kanalizimit të ujërave të zeza dhe kanalin e ujitjes në fshatin Gremnik të Klinës.
Kanalizimi me gjatësi 2500 metra është në fazën e tretë dhe përfshinë disa lagje të këtij fshati me çka i tërë fshati tashmë është i përfshirë në rrjetin e kanalizim të ujërave të zeza. Ndërkohë kanali për ujitjen e tokave bujqësore është në ndërtim e sipër në gjatësi 1460 metra nga i cili do të ujiten qindra hektarë tokë të banorëve të këtij fshati. “Po punohet në projekte të shumta për të rritur mirëqenien e qytetarit”, ka thënë Bashota i cili ka uruar banorët e Gremnikut .
