Financuar nga Ambasada e Shteteve të Bashkuara të Amerikës në Kosovë dhe implementuar nga Organizata Human, në bashkëpunim me radiot dhe OJQ-të lokale të Komunës së Klinës, është mbajtur ligjërata për parandalimin e korrupsionit me moton, “Së Bashku Kundër Korrupsionit”.
Anduen Krasniqi nga Organizata Human tha para nxënësve se për ta pasuruar këtë projekt, pas takimeve që i kemi pasur nëpër shkolla , ku kemi bërë edhe Ese të ndryshme lidhur me luftimin e korrupsionit, ne sot kemi të ftuar kreun e Komunës së Klinës, Zenun Elezaj, së bashku me kreun e Asamblesë Komunale, Fadil Gashin, drejtorin për Arsim Arben Limani dhe zv.drejtorin e shkollës fillore ”Ismet Raci” Gani Deliun.
Kryetari Elezaj , gjatë fjalës së tij tha se: Të dashur nxënës ,të nderuar pjesëmarrës të tjerë, është kënaqësi sot për mua që jam para jush, para një gjenerate që përfaqëson të ardhmen dhe unë që sot e mbaj përgjegjësin në komunë, dhe në kontekstin e ndaljes së korrupsionit do të jem shumë praktik dhe do të mundohem të ju tregoj se cilat janë obligimet tona si qeverisje komunale ,cilat janë obligimet tona ligjore dhe cilat janë hapat për ta ndaluar korrupsion. Po nisem nga profesioni të cilit edhe i takoj arsimit, kur një profesor i cili është korrekt dhe e shfrytëzon kohën e orës së mësimit korrekt atëherë ne kemi për të pasur një arsimim cilësor .
Sa i përket komunës se çka po bënë për ta ndaluar korrupsionin, ne kemi prokurimin publik ,që fal avancimit të teknologjisë informative të jep mundësin e të gjitha projekteve që behën në komunë, ato plasohen në ueb faqe, pra Prokurimi elektronik jep mundësi reale të luftës kundër korrupsionit. Ne çdo here mundohemi të bashkëpunojmë me qytetarin për ta luftuar korrupsionin, kërkojmë nga qytetarët që nëse vërtet janë të sigurt që egziston korrupsion dhe janë në gjendje të shkruajnë një deklarate, atëherë të vijnë dhe të na njoftojnë, ju garantoj se do të merren të gjitha masat e nevojshme , fal bashkëpunimit që e kemi edhe Policinë e Kosovës dhe Gjykatat, pra mesazhi im për qytetarët e Komunës së Klinës, është “Ta denoncojmë korrupsionin së bashku”, ka thënë Elezaj.
Pas fjalimit të kryetarit Elezaj , nxënësve ju është drejtuar edhe kryesuesi i Asamblesë Komunale dhe drejtori i Arsimit, të cilët i kanë dhënë mesazhet e tyre se si duhet luftuar korrupsioni.
Ndërsa, Organizata Human ka ndarë mirënjohje për pesë nxehësit e shkollës fillore “Ismet Raci”, të cilët ishin përzgjedhur si Ese-të më të mira për ta luftuar korrupsionin.
