Në fshatin Zllakuqan të Klinës, është mbajtur takimi për diskutim publik më qytetarë në lidhje me Kornizen Afatmeseme Buxhetore Komunale 2019 – 2021.
Në këtë diskutim publik mori pjesë kryetari i Komunës së Klinës, Prof. Dr. Zenun Elezaj me stafin e tij të ekzekutivit, Aziz Deskun, drejtor për Financa, Ekonomi dhe Zhvillim, Binak Syla, drejtor i Administratës komunale, Lorenc Marleku, drejtor i Urbanizmit dhe Petrit Bekaj, drejtor i Inspektoratit.
Kryetari Elezaj, fillimisht foli rreth rëndësisë që ka Korniza Afatmeseme Buxhetore dhe paraqiti planifikimet fillestare të saj në të cilën është paraparë që shumë fshatra dhe zona urbane të përfitojnë nga këto investime kapitale me qëllim që të përmirësohet jeta e qytetarit.
Drejtori Ekzekutiv i kësaj OJQ-je, z. Labinot Krasniqi, sqaroi rëndësinë e këtijë takimi duke e quajtur mundësinë e diskutimit mes publikut dhe organeve komunale si shumë të nevojshëm në këtë fazë ku mund të ndikohet në ndarjen e parasë publike.
Kryetari Elezaj, vlerësoi këtë takim dhe premtoi që në kuadër të investimeve kapitale do të tentohet që sa më shumë kërkesa të qytetarëve të merren parasysh.
