Kryetari i Komunës së Klinës, Prof.dr.Zenun Elezaj, e ka pritur për një vizitë Ambasadorin e Mbretërisë së Bashkuar të Britanisë, Ruairi O’Connell, që kanë biseduar rreth zhvillimeve të fundit në këtë komunë, ku si prioritet për të dy palët është bashkëpunimi me të gjitha komunitetet.
Më pas, O’Connell, ka marr pjesë në seancën e Asamblesë Komunale, ku për herë të parë që nga pas lufta ka marr pjesë një personalitet . Pjesëmarrja e tij është nder për ne ka thënë Kryesuesi i Kuvendit të Komunës së Klinës , Fadil Gashi, në hapje të kësaj seance, ku për here të parë e kemi një mysafir si ambasadori O’Connell.
Ambasadori O’Connell në fjalën e tij para asamblistëve Klinas, si dhe shumë qytetarëve që morën pjesë në këtë asamble tha se : Është një nder i veçantë që sot jam këtu para jush që po e përfaqësoj shtetin tim, ku marrëdhëniet mes Kosovës dhe Britanisë janë krijuar gjatë një periudhe shumë të vështir për Kosovën para 20 vjetëve , por që këtë vit ne festojmë 10 vjet të marrëdhënieve diplomatike në mes të Britanisë dhe Kosovës, edhe pse kemi qenë gjithmonë afër Kosovës për ta ndihmuar, duke bashkëpunuar me të gjitha komunitetet . Edhe sot bashkë me kryetarin e Komunës së Klinës, Zenun Elezaj dhe stafin e tij do të festojmë një projekt të vogël por që ka kuptim të madh për të gjitha komunitetet, se çka mund të bëjmë ne kur punojmë së bashku. Këtij projekti ju ka bashku edhe Forca e Sigurisë së Kosovës. Për shtetin Britanik është shumë e rëndësishme që Kosova të këtë sukses në të ardhmen duke shpresuar që tani të forcoj rolin e saj ndërkombëtar ka thënë O’Connell. Po ashtu, gjatë seancës është zhvilluar edhe një bisedë në mes pjesëmarrësve dhe ambasadorit , ku ambasadori ju është përgjigjur pyetjeve të drejtuara nga ana e tyre.
O’Connell pas seancës ka vazhduar bashkë me kryetarin Elezaj dhe komandantin e Forcave të Sigurisë së Kosovës, Gjenerallejtënant Rrahman Rama, në përurimin e rrugës së Manastirit në fshatin Budisalc, projekt i shteti Britanik.
Ambsadori O’Connell, ka vazhduar vizitën e tij në Dresnik , për të parë nga afër zhvillimet arkeologjike në këtë fshat dhe më pas e ka vizituar edhe Fabrikën e ëmbëlsirave “AMO”, në Klinë, ku është njoftuar rreth produkteve që prodhon kjo fabrike nga menaxheri i saj Bujar Morina.
Komuna e Klinës duke e vlerësuar kontributin e dhënë të Ambasadës të Britanisë, ka ndarë mirënjohje për Ambasadorin O’Connell.
