Arta Pantina

Arta Pantina ka lindur më 10 shtator 2000 në fshatin Gallarevë të komunës së Klinës, në Kosovë.

Ka të përfunduar shkollën fillimore në Shkollën “Dëshmorët e Qendrës” në Gallarevë dhe studimet e mesme në Gjimnazin “Luigj Gurakuqi” në Klinë, me fokus në shkencat natyrore.

Pas përfundimit të shkollës së mesme, ka zgjedhur të ndjek ëndrrën në fushën e dizajnit të modës. Ka marrë diplomën në Universitetin AAB në Prishtinë, në degën e Dizajnit të Modës.

Tani është duke vazhduar studimet për titullin master në Fakultetin e Arteve në Universitetin e Tiranës, me një interes të vecantë në pikturë tekstil modë dhe mësuesi.

Nëpër rrugët e jetës, gjithmonë kam pasur një përkushtim të fortë për të ndikuar pozitivisht në shoqëri dhe për të përfaqësuar fuqinë dhe talentin e grave. Për këtë arsye, kam bashkuar forcën time me komunën e Klines për të mbështetur femrat e reja, duke shfaqur solidaritetin dhe bashkëpunimin që ne si gra mund të krijojmë. Nëpërmjet punës sime dhe angazhimit në dizajn dhe në veprimtari shoqërore, synoj të frymëzoj dhe të inkurajoj të tjerët që të ndjekin ëndrrat e tyre dhe të punojnë për të arritur qëllimet e tyre. Jam besimplotë se, me guxim dhe përkushtim, mund të bëjmë ndryshime pozitive në Klinë.

Të drejtat dhe detyrat e anëtarëve të kuvendit të komunës – përcaktohen me Ligjin për vetëqeverisje Lokale ( LVL )

Të gjithë anëtarët e kuvendit të komunës kanë të drejta dhe mundësi të barabarta të marrin pjesë plotësisht në punimet e kuvendit. Kuvendi i komunës siguron që këto të drejta dhe mundësi të parashikohen në Statutin dhe në rregulloren e tij të punës.

Anëtari i kuvendit të komunës ka të drejtë të kërkojë informacione lidhur me çështjet komunale nga kryetari, apo nga zëvendëskryesuesi i komitetit. Kërkesa shqyrtohet në pajtim me procedurat që do të përcaktohen në Statut dhe Rregulloren e punës.

Anëtari i kuvendit të komunës mund të dorëzojë vërejtje me shkrim, të cilat i bashkangjiten procesverbalit.

Anëtari i kuvendit të komunës mund t’iu drejtohet të pranishmëve në cilindo komision të kuvendit të komunës anëtar i të cilit nuk është, por nuk mund të votojë. Ai apo ajo mund t’i propozojë kryesuesit të komitetit që të diskutohet ndonjë çështje që është përgjegjësi e komitetit.

Anëtari i kuvendit të komunës mund të kërkojë nga kryetari informacione që janë të nevojshme për punën e tij si këshilltar. Nëse nuk është i kënaqur me përgjigjen, ai apo ajo mund ta ngrisë çështjen në kuvendin e komunës.

Anëtari i kuvendit të komunës lejohet të mungojë nga vendi i punës për periudha kohore që janë të domosdoshme për kryerjen punëve të kuvendit .

Kuvendi i komunës, në pajtim me Statutin e komunës dhe me udhëzimet e nxjerra nga qeveria qendrore, mund t’iu ofrojë kompensim anëtarëve të kuvendit për punën e tyre në kuvendin e komunës.

Anëtarët e kuvendit të komunës detyrohen të marrin pjesë në të gjitha mbledhjet e kuvendit, të thirrura në mënyrë të duhur në komisionet ku ata janë anëtarë, përveç rasteve kur ekzistojnë arsye të justifikueshme për mungesën e tyre.

Përgjegjësit

How do I?

Si mund të?