Komuna e Klinës, ka nevojë për mbështetje financiare për aktivitetet kulturore dhe ato sportive dhe në infrastrukturë të nevojshme ka thënë Bashota, gjatë takimin me zv.ministrin Hoti.
Kryetari i komunës së Klinës , z. Sokol Bashota, e priti për një vizitë zëvendësministrin e Ministrisë së Kulturës, Rinis dhe Sportit, z. Rexhep Hoti. Gjatë këtij takim kryetari Bashota,e ka falënderuar zv.ministrin Hoti për vizitë, si dhe e ka njoftuar për zhvillimet në komunën e Klinës , veçanërisht për të gjitha zhvillimet në sferën e kulturës, rinisë dhe sportit. Bashota tha se komuna e Klinës, ka nevojë për mbështetje financiare për aktivitetet kulturore dhe ato sportive dhe në infrastrukturë të nevojshme të cilën komunën e Klinës, vazhdon të mos e ketë edhe më tutje, siç është një vend (hapësirë), ku rinia e Klinës mund të tregojnë aftësitë e tyre rinore. Po ashtu , edhe vazhdimi i Palestrës Sportive , që tani po bëhen 10 vjet që ka filluar të ndërtohet dhe ende nuk ka përfunduar, si dhe Klina ka nevoje jetike për një muze, sepse kjo komunë tashme ka një histori të begatë dhe të thellë që prek shekujt, sidomos pas zbulimeve të fundit arkeologjike që janë bërë në fshatin Dresnik, që dëshmojnë më së miri këtë argument. Ndërsa, zv.ministri i Ministrisë së Kulturës, Rinis dhe Sportit , z. Rexhep Hoti, është shprehur se : ishte breng për ne ngecja e disa projekteve tradicionale dhe që do të rifillohen dhe do të mbështeten disa organizime siç është mbajtja e Festivalit tradicional “ I këndojmë Lirisë”, po ashtu si prioritet për komunën e Klinës ishte “Qendra Rinore” dhe “Muzeu”, e që në një të ardhme shumë të afërme përmes nënshkrimit të memorandumit në mes komunës së Klinës dhe MKRS-së, me një participim edhe nga ana e komunës , Ministria e Kulturës , Rinis dhe Sportit, këto dy projekte do të fillojnë menjëherë, si dhe do ta mbështes fuqishëm aktivitet e komunës së Klinës. Po ashtu edhe çështja e gjurmimeve arkeologjike siç është Mozaiku në fshatin Dresnik, ka gjetur një mbështetje shumë të madhe nga ana e MKRS-së ka thënë Hoti.
