Nga sot, në oborrin e kësaj shkolle figura e Atë Gjergj Fishtës do të rrezatojë edhe më shumë dritë për këta fëmijë që mësimet i vijojnë në këtë vatër të dijes ka thënë kryetari Bashota.
Personalitete të shumtë nga Shqipëria , Diaspora , Qeveria e Kosovës , Bashkësia Islame , Ipeshkvia e Kosovës si dhe qytetar të Klinës kanë marr pjesë në ceremoninë e zbulimit të bustit të veprimtarit të njohur shqiptar “Atë Gjergj Fishta “ në shkollën fillore të fshatit Jagodë , të organizuar nën patronatin e kryetarit të komunës Sokol Bashota. 
Gjatë kësaj ceremonie kryetari Sokol Bashota është shprehur se : Gjergj Fishta ishte një njeri i përkushtuar për përparimin e popullit e të kombit të tij, i cili veçohej për karakterin e fortë dhe shpirtin e sakrificës. Përmes veprës së Gjergj Fishtës, populli shqiptar njohu vetveten, por njëherësh u njoh edhe në analet botërore, ku Fishta prezantoi me përkushtim dhe erudicion autoktoninë dhe trashëgiminë tonë shumë të pasur historike dhe kulturore.
Nga sot, në oborrin e kësaj shkolle figura e Atë Gjergj Fishtës do të rrezatojë edhe më shumë dritë për këta fëmijë që mësimet i vijojnë në këtë vatër të dijes ka thënë kryetari Bashota.
Për jetën dhe veprimtarin e Gjergj Fishtës kanë folur edhe kryebashkiaku i Lezhës –Viktor Tusha, zëvendësministri i Drejtësisë – Daut Xhemajli si dhe Don Lush Gjergji përfaqësues nga Ipeshkvia e Kosovës.
