Caritas Kosova, si organizate bamirësie e Kishës Katolike në Kosovë, analizon nevojat e njerëzve dhe komuniteteve në Kosovë dhe në përputhje me rrethanat promovon lëvizjet, iniciativa, zhvillimin e programeve dhe projekteve për përmirësimin e cilësisë së jetës, për zhvillimin dhe mbrojtjen e të drejtave të njeriut, duke përfshirë ndërtimin e paqes, arsimin dhe kujdesin ndaj njerëzve në nevojë dhe të margjinalizuara.
Caritas Kosova si ogranizatë jo qeveritare , operon në të gjithë komunat e Kosovës. Kryetari i Komunës së Klinës, z. Sokol Bashota dhe Drejtori i Përgjithshëm i Caritasit të Kosovës, Don Viktor Sopi , e kanë nënshkruar vazhdimin e marrëveshjes së bashkëpunimit në mes të komunës së Klinës dhe Caritas Kosova me qëllim të realizimit të projektit shëndetësor: “Përkujdesi shëndetësor shtëpiak dhe ambulator në Kline”.
Kjo marrëveshje parasheh ngritjen e cilësisë së shërbimeve shëndetësore shtëpiake dhe ambulator për qytetaret e komunës së Klinës dhe zonave rurale të kësaj komunë.
Kryetari Bashota , ka thënë se ky bashkëpunim në mes Komunës së Klinës dhe Caritas Kosovës do të vazhdoj , që qytetaret e kësaj komune të kenë shërbim sa më të mirë edhe në zonat rurale sa i përket shëndetësisë.
Ndërsa , Drejtori i Shëndetësisë ,z. Bedri Gashi ka thënë se është bërë një punë shumë e mirë dhe se qytetarët e komunës së Klinës janë të kënaqur me shërbimet që ofrohen nga kjo marrëveshje.
Don Viktor Sopi, Drejtori i Përgjithshëm i Caritasit të Kosovës, tha se është kënaqësi bashkëpunimi në Caritas Kosovës dhe Komunës së Klinës, ne i mirëpresim sugjerimet tuaja , po ashtu edhe nga ana e qytetareve që shërbimi të jetë sa më i mirë, njëherë Caritas Kosova ndihet mirë kur vlerësohet projekti që po zhvillohet edhe në komunën tuaj . Projekti është gjerman dhe përkrahët nga Gjermania.
