Me manifestime të ndryshme është shënuar 5 vjetori i shpalljes së Pavarësisë së Kosovës edhe në komunën e Klinës. Me 15 shkurt është stolisur qyteti i Klinës me flamuj shtetëror , kombëtar, flamuj të shtetit Amerikan si dhe të BE. Festa ka vazhduar të shtunën ku në sallën e Kuvendit nën patronatin e kryetarit të komunës Sokol Bashota , organizuar nga Iniciativa Sociale e Kosovës , janë nderuar personalitete femra nga gjithë Kosova dhe diaspora. 
Ndërsa , me 17 shkurt programi ka filluar me ngritjen e Flamurit para komunës, duke vazhduar me seancën e solemne të Kuvendit. Kryesuesi i Kuvendit Fadil Gashi gjatë seancës solemne ka thënë : shpallja e Pavarësisë është akti me i lart , me i pritshëm që ka kaluar në periudha të ndryshme duke sakrifikua breza të tërë , sot ndihemi mire dhe Klina i bashkohet kësaj feste të madhe , dhe të gjithë kemi arsyeje të gëzimit, festimit, të urimit për njeri tjetrin dhe për gjithë qytetaret e Klinës dhe gjithë Kosovës. Për nder të kësaj feste janë vere kurora lulesh pran bustit të Mujë Krasniqit dhe janë vizituar varrezat e dëshmorëve në “Kodrën e Kuqe”. Aktivitete kanë vazhduar me orën letrare, garat sportive , dhe koncertin muzikor që ka vazhduar deri në orët e vona të mbrëmjes.
Urime 5 vjetori i Pavarësisë së Kosovës
