17 shkurti i vitit 2008 përcaktoi në mënyrë përfundimtare fatin dhe perspektivën e Kosovës si shtet i lirë, sovran, i pavarur dhe i orientuar në mënyrë të palëkundur drejt rrugëtimit të tij të qartë euro-atlantik
Me aktivitete të ndryshme u festua 4-vjetori i Pavarësisë së Kosovës në qytetin e Klinës. Ngritja e flamurit shtetëror para objektit komunal ka mbledhur shumë qytetar dhe zyrtar komunal, duke vazhduar me vënie të kurorave të luleve në sheshin “Mujë Krasniqi” dhe varrezat e dëshmorëve në “Kodrën e Kuqe” në Grabanicë. 
Kryetari i komunës Sokol Bashota në seancën solemne të Kuvendit ka thënë se : 17 shkurti i vitit 2008 përcaktoi në mënyrë përfundimtare fatin dhe perspektivën e Kosovës si shtet i lirë, sovran, i pavarur dhe i orientuar në mënyrë të palëkundur drejt rrugëtimit të tij të qartë euro-atlantik. Kjo datë do të mbetet e gdhendur jo vetëm në historinë e Kosovës, por të mbarë kombit shqiptar si një pikë kulmore reference për brezat e ardhshëm të shqiptarëve.
Të gjitha të arriturat që i kemi realizuar, si dhe shumë të tjera që pritet të realizohen, nuk duhet të na krijojnë ndonjë vetëkënaqësi, sepse janë edhe qindra nevoja të tjera të nevojshme për mirëqenien e qytetarëve, të cilat duhet t’i realizojmë në të ardhmen. Jemi të përkushtuar që vepra e pavarësisë t’u shërbejë të gjithë atyre që e ndërtuan dhe gjithë atyre që presin t’ua ndryshojë jetën.
Urime 4-vjetori i Pavarësisë Kosovë
Lavdi të gjithë atyre që jetën e dhanë për këtë ditë të shënuar!
