Në sallën e Kuvendit Komunal Klinë, është mbajtur seanca e dytë e rregullt e punës për vitin 2024.
Seancën e udhëhoqi kryesuesi i Kuvendit, z. Fadil Gashi dhe të pranishëm ishin kryetari i komunës së Klinës, Prof. Dr. Zenun Elezaj, anëtarë të Kuvendit, drejtorë të drejtorive, përfaqësues i OSBE-së dhe media.
Në këtë seancë u shqyrtuan këto pika të rendit të ditës me këtë rend dite:
- Arsyetimi i mungesave;
- Shqyrtimi dhe miratimi i procesverbalit nga mbledhja e kaluar;
- Shqyrtimi dhe miratimi i Rekomandimeve të Komitetit për Politikë dhe Financa;
- Shqyrtimi dhe miratimi i propozim-vendimit për bartje të mjeteve nga të hyrat vetanake nga viti 2023 (ref.drejt.fin);
- Shqyrtimi i procesverbalit nga takimi i dytë me qytetarë i mbajtur nga kryetari i komunës më datë 26.12.2024;
- Pyetje dhe përgjigje.
Të gjitha pikat e rendit të ditës janë miratuar me shumicë votash nga anëtarët e Kuvendit.
