Nën drejtimin e kryetarit të komunës, Prof. Dr. Zenun Elezaj, shtabi emergjent sot ka mbajtur mbledhjen e radhës për vitin 2022, ku është diskutuar lidhur me situatën me virusin COVID-19 dhe rrezikun e përhapjes.
Gjatë takimit drejtori i Shëndetësisë dhe Mirëqenies Sociale, z. Agron Bacaj, njoftoi se në Klinë janë konfirmuar disa raste të reja të infektuarve me virus. Bacaj tha se situata me COVID-19 është e menaxhueshme, por shtoi se ka filluar rritja e rasteve të të infektuarve.
Ai, po ashtu, njoftoi se testimet po bëhen në QKMF si dhe nëpërmjet ekipeve mobile në shkolla, ku po bëhet testimi i nxënësve sipas kërkesave të shkollave.
Kryetari Elezaj theksoi se qytetarët të respektojnë vendimet në fuqi të institucioneve si dhe të vazhdojnë vaksinimin, si një mënyrë e duhur për të parandaluar përhapjen e mëtejshme të virusit.
