Kryetari i Komunës së Klinës ,z. Sokol Bashota , i shoqëruar nga Nënkryetari i Komunës , z. Enver Berisha dhe Drejtori për Urbanizëm , z. Baki Gashi, e kane pritur për një vizitë Ushtruesin e Detyrës Ministër i Mjedisit dhe Planifikimit Hapësinor , z. Ferat Shala, të shoqëruar nga këshilltari i tij Ismet Krasniqi.
Gjatë këtij takim kryetari Bashota e ka falënderuar z. Shala për vizitë, si dhe e ka njoftuar për zhvillimet në Komunën e Klinës, përkatësisht rreth infrastrukturës zhvillimore në sektorin e mjedisit.
U.D Ministër Shala tha se: Sot jam në Komunën e Klinës, që të shoh për së afërmi dhe të bisedoj rreth zhvillimeve në mjedis. Ne si ministri, do të bashkëpunojmë rreth projekteve për mjedis dhe të shohim mundësit e mundshme rreth investimeve edhe në Komunën e Klinës.
