Aksioni i pastrimit u realizua edhe në komunën e Klinës .Pas largimit të 5 deponive ilegale në qytetin e Klinës me datën 20.05.2016 ,aksioni i pastrimit vazhdoj me datën, 24 Maj 2016. Dardan Bashota- Zyrtar Mjedisor dhe koordinator i këtij aksioni tha se aksioni ka filluar në ora 10:00, para objektit Komunal për të vazhduar pastrimin në rrugët e qytetit .Këtij aksioni iu përgjigjen punëtoret e administratës komunale, punëtoret nga kompania për menaxhim të mbeturinave “Ambienti”, të gjitha shkollat fillore dhe ato te mesme të Komunës tonë .
Komunën në këtë aksion të pastrimit e ndihmuan në mënyre vullnetare dy kompani private si : Kompania “Benita” dhe Kompania “Mirusha Transport”, ku këto kompani larguan 5 deponi Ilegale në rrugën magjistrale Prishtinë –Peje dhe në rrugën magjistrale Klinë –Gjakovë .
Bashota ka apeluar te qytetarët e komunës së Klinës, që të mos hedhin mbeturina vend e pa vend në mënyre që të jetojmë në një mjedis sa me të pastër dhe të shëndetësorë .
