Komuna e Klinës, respektivisht, Drejtoria e Inspektoratit, në kuadër të kompetencave të saj ka vendosur sinjalizimin e të gjitha kryqëzimeve hekurudhë-rrugë duke i pajisur me sinjalistikë në të gjitha vendkalimet hekurudhore, duke filluar nga fshati Ujmirë e deri në fshatin Stupë në gjithsej 14 prej tyre, në total 140 shenja.
Njëherësh është bërë edhe sinjalizimi horizontal dhe vertikal i rrugëve në qytet dhe të gjitha fshatrave përreth si dhe vendosja e pengesave prej gome në total prej 50 metrave.
Gjithashtu, është bërë edhe rregullimi horizontal edhe vertikal i hyrjes në shkollën fillore “Ismet Rraci” si masë vetëdijesuese e cila ofron lëvizje më të sigurt për nxënësit.
Janë përfunduar, po ashtu, 600 metra katrorë vendkalime për këmbësorë, zebra.
Drejtori i Inspektoratit, z. Faruk Smajli, tha se vendosjet e sinjalizimeve të reja nga inspektorët, ofrojnë siguri dhe paralajmërime të rëndësishme për të gjithë qytetarët dhe kontribuojnë në përmirësimin e sigurisë publike.
