Debat me Publikun Është mbajtur debati me publikun , ku rend dite ka qene shqyrtimi i Projekt-Rregullores për organizimin dhe bashkëpunimin e komunës me fshatra, vendbanime dhe lagje urbane në territorin e komunës së Klinës. Kryesuesi i Kuvendit Fadil Gashi tha se debati është organizuar për here të dytë, pasi që herën e parë qytetaret nuk janë përgjigjur ftesës së debatit. Projekt-Rregulloren e ka sqaruar pik për pik zyrtari i zyrës Ligjore Ali Shala , i cili ka thënë se është interes jetik për qytetar të Klinës, ku sot po flasim për struktura e bashkëqeverisjes lokale dhe kjo alternativ nuk i referohet alternativave politike. Qëllimi i rregullores ka për qëllim të rregullojë organizimin dhe bashkëpunimin e komunës me fshatrat, vendbanimet dhe lagjet urbane në territorin e komunës, në ushtrimin e aktiviteteve që janë ekskluzivisht në kompetencë vetanake të komunave, të përcaktuara në bazë të Ligjit për Vetëqeverisjen Lokale.
Për të realizuar sa ma mirë funksionet dhe përgjegjësitë e parapara me ligjin për vetëqeverisje lokale, Komuna e Klinës do të mbështesë zgjedhjen e këshillave lokale të fshatrave, vendbanimeve dhe lagjeve urbane dhe kryetarët e këshillave lokale. Në pamundësi që në çdo fshat, vendbanim dhe lagje urbane të zgjedhen këshillat lokale, atëherë një këshill lokal mund të përfshijë një e më tepër fshatra, vendbanime apo lagje urbane. Kuvendi i Komunës emëron një komision për të udhëhequr dhe koordinuar punën në teren në zgjedhjen e këshillave lokale. Komisioni duhet të ketë 5 anëtarë: dy anëtarë nga Kuvendi i Komunës, një anëtar nga ekzekutivi, një nga shoqëria civile dhe një nga përfaqësuesit e fshatit, vendbanimit apo lagjes urbane. Komisioni i emëruar nga Kuvendi i Komunës, nëpërmjet Zyrës për informim, informon qytetarët 15 ditë para datës së mbajtjes së tubimit të qytetarëve për zgjedhjen e këshillave lokale, përmes: ueb faqes, shpalljeve publike, mediave lokale .
Projekt-Rregullorja eshte pelqyer nga qytetaret pa ndonje ndryshim.
