Pesë (5), shkolla nga komuna e Klinës kanë përfituar nga Bashkimi Evropian, si shkolla fillore, “Emin Duraku” Sferkë, “Ali Krasniqi” Ujmirë, “Azem Bejta” Grabanic, “Tre Dëshmorët “ Jashanic dhe shkolla fillore “At Gjergj Fishta” në Jagod.
Seancën e XI-të të radhës së asamblesë komunale e hapi kryesuesi i asamblesë, Fadil Gashi duke i njoftuar anëtaret e kuvendit me pikat e rendit të ditës. Anëtaret e asamblesë në pajtim me rendin e ditës e aprovuan kërkesën e kryesuesit të asamblesë dhe seanca vazhdoi me shqyrtimin dhe miratimin e procesverbalit të seancës së kaluar, ku edhe kjo pikë kaloi pa ndonjë vërejtje. Njoftimi lidhur me preferencat e KPF-së për KK-në, kryesuesi Gashi tha se kërkesat që kanë ardhur nuk kemi pasur sqarime reale për këto kërkesa , e vetmja kërkesë që është shqyrtuar, është nga shkolla teknike, për shqyrtimin e ankesave së mësimdhënësve ku e kemi sot në rend dite dhe pasi që e kemi edhe drejtorin e Drejtorisë së Arsimit, Ramiz Rrusta e ftoj që ta merr fjalën. Drejtori i Drejtorisë së Arsimit Ramiz Rrusta tha se janë 10 profesor që ju kanë drejtuar KPF-së, për arsyeje se nuk kanë marrë paga një vit. Të gjithë profesorët janë te pranuar me konkurs të rregullt dhe janë të kualifikuar. Rrusta tha profesorëve ju kemi borxh dhe duhet tua paguajmë. Unë si drejtori i Arsimit jam duke punuar që profesorëve tu paguhen pagat që nuk i kanë marr për vitin 2009-2010, dhe ne listë janë të gjithë në shkollat ku punojnë. Haxhi Ibishi në emër të AAK-së tha se e përkrahim këtë pikë të rendit të ditës. Ndërsa Halil Desku tha se nuk kemi qka me debatu rreth kësaj pike ku drejtori Rrusta na i sqaroi tani nga asambleja pritet që të votohet . Mësimdhënësit kërkojnë përkrahje institucionale dhe kjo përkrahje u dha. Kryesuesi i kuvendi Fadil Gashi , tha se dy here është rishqyrtuar dhe tani presim nga ju që të vendosni. Dhe me të gjitha votat pro u miratua edhe kjo pik e rendit të ditës. Ndërsa, po në këtë seance drejtori i Arsimit Ramiz Rrusta, ka njoftuar anëtaret e kuvendit se pesë shkolla nga komuna e Klinës kanë përfituar nga Bashkimi Evropian, si shkolla fillore “Emin Duraku” Sferkë, “Ali Krasniqi” Ujmirë, “Azem Bejta” Grabanic, “Tre Dëshmorët “ Jashanic dhe shkolla fillore “At Gjergj Fishta” në Jagod.
