Seanca e parë për vitin 2012 e Asamblesë Komunale

 

Kuvendi i komunës së Klinës e ka mbajtur seanca e parë për vitin 2012 , në të cilën është miratuar ndryshimi i rregullores për tarifat, ngarkesat dhe taksat komunale, rregullore kjo e cila është miratuar që në vitin 2008. Në ketë, rregullore janë marrë parasysh edhe sugjerimet dhe vërejtjet e publikut në dy debate publike si dhe preferencat e Komitetit për Politik dhe Financa. Rregullorja ka hyre në fuqi që nga dita e miratimit nga anëtaret e Kuvendit. Po ashtu , është debatuar edhe rreth kërkesës së Drejtorisë Komunale të Arsimit, për pezullimin apo kthimin e 22 nxënësve të dy shkollave të mesme në Klinë, të cilët kohë  me parë janë suspenduar nga shkolla për tre ditë nga drejtorët, me pas për një muaj pezullimi është vazhduar nga Drejtoria e Arsimit. Këshilltarët e të gjitha subjekteve politike, kanë mbështetur unanimisht vendimin për pezullimin përfundimtar të nxënësve nga shkolla duke sugjeruar Drejtorinë e Arsimit që për këta nxënës të sigurohet mësimi alternativ. Palët, në ketë rast, nxënësit e pezulluar nga shkolla, kanë të drejtë të ankohen në Ministrinë e Arsimit Shkencës dhe Teknologjisë. Është marrë vendim për inicimin e procedurës për rregulloren për Komitetet Konsultative si dhe ndarjen e mjeteve që janë realizuar me shumë se plani i të hyrave komunale vitin e kaluar.