Organizuar nga Drejtoria për Kulturë ,Rini dhe Sport, Klubi i Shkrimtarëve “ Vorea Ujko” dhe Shkolla Fillore “ At Shtjefen Gjeqovi” në Zllakuqan të Klinës është bërë promovimi i dy librave “ Kosova për Ndrecë Ndue Gjokën “ dhe “ Trojet Dardane” të autorit Pjetër Nikolla nga Tirana. Kryetari i komunës Sokol Bashota është shprehur se : Këtë moment kulturor edhe më shumë e madhështojnë dy jubile të rëndësishme, viti i shqiptarëve, që koinicidon me jubileun e madh të 100-vjetorit të shpalljes së Pavarësisë së Shqipërisë, që është ngjarja më e rëndësishme pas një shekulli të tërë të kombit tonë. Këtë moment kulturor e letrar, po ashtu e madhëron edhe përvjetori tjetër që lidhet më arsimin shqip, 115 – vjetorin e themelimit të shkollës së parë kombëtar në Zllakuqan, shkollë kjo e cila gjatë rrugëtimit të saj mbi një shekullor u bë simbol i dritës së arsimit dhe të kombit. Autori Nikolla, lexuesve shqiptar ju ka ofruar edhe një libër tjetër shumë të rëndësishëm, që lidhet me emrin e Mësuesit të popullit, Ndrecë Ndue Gjoka, i cili në arsimin shqip, si në Shqipëri, po ashtu edhe në Kosovë, la gjurmë të pashlyeshme, duke mbetur emër i pashuar në historiografinë e arsimit shqip ka thënë Bashota.
Shkrimtari Pjetër Nikolla, ka falënderuar gjithë institucionet që kanë organizuar ketë ngjarje sipas të cilit ka vlera të mëdha historike pasi qe përkojnë edhe me 100 vjetorin e shpalljes së pavarësisë së Shqipërisë. “ Kjo ngjarje bëhët shumë me madhështore pasi që lidhte me ngjarjet historike të popullit shqiptar tha Nikolla.
Per autorin Pjetër Nikolla kan folur edhe shkrimtari Mojkom Zeqo nga Tirana , Natali Ndoci si dhe shkrimtar nga grupi “Vorea Ujko” të Klines.
Drejtoria e Arsimit ka ndarë mirënjohje për mësuesin e popullit Ndrecë Ndue Gjokaj.
