Është përurua stadiumi i qytetit të Klinës në futboll “ 18 Qershori”, që është financuar nga buxheti i Komunës së Klinës në vlerë 190 mijë euro, duke përfshirë tribunat dhe zhveshtoret.
Me këtë rast, në manifestimin e organizuar, është zhvilluar edhe një ndeshje vëllazërore në mes klubit futbollistik të femrave “Dukagjini” Klinë dhe klubit futbollistik të Femrave “ Tirana AS” nga Tirana e Shqipërisë.
Kryetari i komunës së Klinës,z. Sokol Bashota ka thënë se kemi bërë diçka modeste për të rinjtë e të rejat e Klinës, duke ofruar një stadium modest për nevojat e tanishme në saje të nevojave buxhetore që ka Komuna, me shpresën se në të ardhmen kur të bëhet ndërkombëtarizimi i sportit, ne të përfitojmë mbështetje financiare më të mëdha për të bërë këtë stadium të niveleve ndërkombëtare. Klina ka një ekip, i cili ka nisur një start të mirë dhe synimet janë që në sezonin tjetër të jemi në Super Lige, falë edhe lojtarëve, Shtabit teknik dhe Kryesisë së klubit, të cilët po bëjnë një punë të mirë.
