Vlera e projekteve të realizuara kap shifrën e 80 mijë euro.
Të shtunën në fshatin Zllakuqan, është bërë përurimi i fushës sportive, projekt i realizuar nga KFOR-i Italian. Në kuadër të projekteve nga ana e KFOR-it Italian , janë realizuar edhe ndërtimi i dy puseve për ujitjen e tokave bujqësore, një gjenerator i energjisë elektrike me fuqi më të madhe, pajisje dhe material bujqësor që i janë dhuruar karitasit UMBRA , i cili vepron një kohe të gjatë në Zllakuqan, e këto pajisje do të përdorën për nevojat e banoreve të bashkësisë lokale të Zllakuqanit. Vlera e projekteve të realizuara është 80 mijë euro.
Nënkryetari i komunës Zenun Zeqa , në emër të kryetarit Sokol Bashota dhe në emrin tim e falënderojmë KFOR-in Italian për kontributin e dhënë në komunën e Klinës, dhe ka shtuar se, nga ky mjedis do të zbulohen talent të ri të futbollit dhe kur projektet realizohen fjalët janë të tepërta.
Ndërsa , komandanti i KFOR-it Italian Carlo Emiliano, është shprehur se përkushtimi ynë është që t’i ndihmojmë qytetaret e kësaj komune . Behet fjalë për një bashkëpunim me vite , dhe në 3 mujorëshin e parë të këtij viti, do të realizohen projekte bujqësore, shoqërore si sot që po përurohet fusha e futbollit, shume shpejt do të behet edhe inaugurimi i ambulantes së fshatit Leskoc , ka thënë komandanti i KFOR-it Carlo Emiliano.
