Objekti zejtar në qendër të qytetit të Klinës, “Nojtra”, tashmë ka marrë një pamje të bukur. Kjo pamje është si rezultat i punimeve që janë bërë në këtë objekt zejtar.
Punimet e këtij objekti i ka kryer kompania IDEOR CONSTRUCTION nga Prishtina, të cilat kanë përfunduar sipas kontratës së nënshkruar mes Komunës dhe kompanisë gjegjëse.
Me këtë rast, njëherësh është bërë edhe ndarja fizike e hapësirave dhe pajisjes me sistem të kamerave. Tani objekti është në menaxhim të Komunës së Klinës dhe hapësirat e këtij objekti janë të gatshme për shfrytëzim nga qytetarët.
