Me vendimin e Asamblesë, qytetar nderi i Klinës u shpall rapsodi Gjon Frroku nga Lezha. Dekretin mbi shpalljen qytetar nderi Gjon Frrokut ia dorëzoi kryetari i komunës z. Sokol Bashota.
Klina vërtet këto ditë qershori ka atmosferë festive qe nga pamja, dekorimi i qytetit, ardhja e shumë artistëve nga të gjitha trojet shqiptare e deri te mikpritja që Klina e ka traditë tu bëj grupeve pjesëmarrëse ne festival. Dje me 06, qershor në fshatin Qabiq, vendlindja e Komandant Mujë Krasniqit-komandant Kapuçi, në ora 11,00 para shumë pjesëmarrësve qytetar e mysafir u hap festivali folklorik “ I këndojmë lirisë” kryetari i Komunës, njëherit drejtor i festivalit z. Sokol Bashota, iu drejtua të pranishmëve me përshëndetjen mirëseardhje pastaj në mes tjerave tha:”Kam krenarin,privilegjin dhe nderin e ligjshëm që sot para jush të hap edicionin e 13-të të Festivalit Folklorik” I këndojmë lirisë” pikërisht sot në ditëlindjen e Komandant Mujë Krasniqit, në oborrin e shtëpisë ku lindi dhe ku u brumos qysh si fëmijë me idealet e shenjta të Atdheut dhe të lirisë. Festivali ynë numëron me ritmin e artit, vitet e Luftës, të Lirisë dhe të Pavarësisë së Republikës së Kosovës . Festivali I Komandant Mujë Krasniqit reflekton kohët shqiptare dhe vizionin e kombit tonë. Secila këngë, secila valle dhe secili festivalit është historia,është zëri dhe mesazhi i çdo pëllëmbe të trojeve tona shqiptare…” me këtë rast para lapidarit të Mujë e Ali Krasniqit e Beqir Gashit u shfaq një program kulturo artistik nga grupet folklorike ‘Ansambli :Rugova”, “ Fushë Kosova, pastaj me recitimin e aktorit Xhevat Limani.
Qabiqi tani tradicionalisht e shtron sofrën me ushqime tradicionale për miq, mysafir e festivalit.
Në mbrëmje në ora 18,00 në Klinë vazhdoi festa me defileun artistik të grupeve artistike pjesëmarrëse në festival.
Pastaj vazhdoi nata e parë e festivalit me që rast në skenë u paraqiten 15 grupe artistike me pikat e tyre ku kishte edhe pika përshëndetëse.
Meqenëse festivali folklorik “ I Këndojmë lirisë” ka karakter garues, pikat konkurruese i përcolli juria në përbërje: prof. Dr. Muzafere Mustafa, Mr. Haki Mulliqi dhe Sejmen Gjokoli.
Gjatë ditë së djeshme u zhvilluan edhe këto aktivitete:
Në ora 17,00 në sallën e Asamblesë Komunale u mbajt mbledhja solemne e drejtuar nga kryesuesi i Asamblesë z. Fadil Gashi, me vendimin e Asamblesë, qytetar nderi i Klinës u shpall rapsodi Gjon Frroku nga Lezha. Dekretin mbi shpalljen qytetar nderi Gjon Frrokut ia dorëzoi kryetari i komunës z. Sokol Bashota.
Po njashtu gjatë ditës u zhvilluan edhe shumë gara sportive ndërsa në mbrëmje doli nga botimi Revista “ LYRA”revistë periodike e festivalit folklorik “ I këndojmë lirisë” .
Festivali Folklorik “ I këndojmë lirisë” edicioni i 13-të mbahet nën përkujdesjen e Kryetarit të Komunës, z. Sokol Bashota.
Mirë u takofshim në natën e dytë të festivalit sot me 07 qershor 2013 në ora 19,00.
Klinë, 07.06.2013 Zëdhënsi i Festivalit: Ismet Krasniqi
