Nënkryetari i komunës z. Enver Berisha i shoqëruar nga shefi i Zyrës për Kthim në komunën e Klinës dhe këshilltari serb , në Kuvendin Komunal në Klinë e vizituan Manastirin e Budisalcit.
Në vazhdën e takimeve të rregullta të pushtetit lokal të Klinës, me qytetarët e komunës, nënkryetari i Komunës së Klinës, z. Enver Berisha, e vizitoj sot Manastirin Serb në Budisalc. Në këtë vizitë, ai u shoqërua edhe nga shefi i zyres për Kthim dhe Komunitete, z. Millorad Sharkoviq, nga këshilltari serb në Kuvendin Komunal të Klinës, z. Bozhidar Sharkoviq, Policia e Kosovës stacioni Klinë, nga përfaqësuesit e KFOR-it Slloven si dhe nga ata të OSBE-së.
Në një atmosferë miqësore dhe mirëpritëse nga prifti ortodoks serb dhe motrat e nderit në manastir, z. Berisha edhe njëherë konfirmoj zotimin e pushtetit lokal në Klinë dhe të gjitha strukturave tjera përgjegjëse për një bashkëpunim të ndërsjellë, për të mirën e secilit qytetar në Klinë. Rruga jonë është e përbashkët dhe synon një të ardhme më të mirë për të gjithë ne, ka thënë z. Berisha.
Duke falënderuar të gjithë për pjesëmarrje në këtë takim, Kleriku i manastirit Millosh Vukiq , si dhe të dy përfaqësuesit e komunitetit serb në Klinë, thanë që situata e sigurisë në komunë dhe në lokacionet ku ata jetojnë është dita ditës në ngritje e sipër. Ne, jemi të vetëdijshëm që situatë ekonomike është pak a shumë e njëjtë për të gjithë ata që jetojnë këtu.
