Nënkryetari i komunës Zenun Zeqa i ka pritë për një vizitë përfaqësuesit e Ministrisë së Diasporës Shukrije Ramadanin –Udhëheqëse Divizioni për Koordinim të Investimeve dhe Shani Hamitaga-Zyrtar i lartë për Hulumtim dhe Koordinim për Biznese nga Diaspora.
Gjatë këtij takimi është biseduar rreth planifikimit të të dhënave nga të mërgimtarët të cilët ushtrojnë biznese në diasporë dhe atyre mërgimtar që ushtrojnë biznes në Kosovë. Përfaqësuesit nga Ministria e Diasporës kanë kërkuar bashkëpunim të ndërsjellë në mes Ministrisë së Diasporës dhe Komunës së Klinës, e cila sipas tyre do të shërbej në të mirë të të gjithëve si Investitorëve, Komunës dhe Ministrisë. Po ashtu, kjo Ministri ka kërkuar që komuna e Klinës të autorizoi një zyrtarë i cili do të mbledhë të dhëna të cilat do të shërbejnë si bazë për veprimet dhe mbështetjen të ndërsjellët Investitor, Komune, Ministri dhe anasjelltas.
