Komuna e Klinës ka njoftuar se, për shkak të pjesëmarrjes së ulët në takimin e parë me temën “Prioritetet e grave dhe të rinjve të komunës së Klinës”, do të organizojë një takim të dytë me këtë grup të rëndësishëm të komunitetit.
Takimi do të mbahet më 19 qershor 2025, duke filluar nga ora 14:00, në Sallën e Kuvendit Komunal Klinë.
Ai organizohet në kuadër të takimeve me qytetarë për Hartimin e Kornizës Afatmesme Buxhetore (KAB).
Tema e diskutimit do të mbetet e njëjtë: “Prioritetet e grave dhe të rinjve të komunës së Klinës”. Riorganizimi i këtij takimi vjen si nevojë për të siguruar një përfaqësim më të gjerë dhe për të dëgjuar zërin dhe nevojat e grave dhe të rinjve në procesin e planifikimit buxhetor për tri vitet e ardhshme.
Komuna fton të gjitha gratë dhe të rinjtë që të marrin pjesë dhe të japin kontributin e tyre në këtë proces të rëndësishëm vendimmarrës.
Komentet në mënyrë të shkruar mund t’i dërgoni edhe përmes postës elektronike deri më 24 qershor 2025, në adresat:
Vlora Tafili – vlora.tafili@rks-gov.net
Melihate Behramaj – melihate.behramaj@rks-gov.net
