Identifikohen mbetjet mortore të Bajram ( Riza ) Bytyqit nga Klina
Departamenti i Mjekësisë Ligjore i Ministrisë së Drejtësisë, ka informuar sot familjarët se janë identifikuar mbetjet mortore të Bajram Bytyqit. Identifikimi i eshtrave është bërë në bazë të analizave ADN marrë nga familjarët.
Bajram Bytyqi nga Klina, lindur më 09.04.1961, është zhdukur më datën 04.04.1999 në Kralan, Komuna e Gjakovës, dhe për fatin e tij nuk është ditur asgjë deri më tani.
Departamenti i Mjekësisë Ligjore, informon se mbetjet mortore të Bajram Bytyqit janë gjetur në fshatin Brekoc, Komuna e Gjakovës, më datë 01.11.2002.
Akademia përkujtimore do të mbahet më datën 12.06.2013, në orën 12, në sallën e Kuvendit Komunal, Klinë.
Varrimi do të bëhet më datën 12.06.2013, ora 14.00, në varrezat e Dëshmorëve të Klinës, në Kodrën e Kuqe.
