Zyrtarisht kanë nisur punimet në përgatitjen e terrenit për asfaltimin e rrugës me gjatësi prej 2856 metra, në fshatin Kërrnicë të Komunës së Klinës. Shumë familje të fshatit Kërrnicë do të lidhen me asfalt gjë që krijon mundësi më të mira për banorët edhe për punët në bujqësi, si dhe lidhjen me të shpejt me qendrën e qytetit të Klinës.
Nga afër punimet i ka përcjelle edhe kryetari i Komunës së Klinës, z. Sokol Bashota, i cili ka thënë se :Sot është një ditë e rëndësishme për banorët e këtij fshati ngase me asfaltimin e kësaj rruge do të lehtësohet lëvizja e qytetarëve.
“Kemi dhe po realizojmë projekte në fusha të ndryshme, që për fokus kanë mirëqenien e qytetarit tonë duke krijuar lehtësi në lëvizje, edukim më të mirë dhe krijimin e kushteve sa me të mira në zonat rurale dhe urbane”.
Investimet në infrastrukturën rrugore në Komunën e Klinës, përveç në qytet dhe zona tjera, tashmë janë shtrirë edhe në fshatrat e zonës veri-perëndimore.
