Nënkryetarja e komunës së Klinës, znj. Marqe Tanushi-Selmanaj e shoqëruar nga drejtori i Bujqësisë, Pylltarisë dhe Zhvillimit Rural, z. Lorenc Marleku kanë pritur në takim z. Afrim Sharku nga organizata UNFAO dhe anëtarët e komisionit për vlerësimin e dëmeve nga vërshimet në kuadër të Ministrisë së Bujqësisë, Pylltarisë dhe Zhvillimit Rural.
Gjatë takimit është biseduar rreth dëmit të vërshimeve të fundit në sektorin e bujqësisë në kulturat e ndryshme bujqësore si dhe projektet infrastrukturore.
Drejtori Marleku së bashku me z. Sharku dhe anëtarët e komisionit kanë vizituar disa bujq dhe fermerë për të parë nga afër dëmet e shkaktuara në tokat bujqësore nga vërshimet e fundit.
Marleku dhe Sharku gjatë vizitave theksuan faktin se do ju dalin shumë shpejtë në ndihmë në forma të ndryshme bujqve dhe fermerëve të Klinës.
